Iklan

                                                                                                                 IKLAN
     Iklan kang becik iku bisa aweh pitulungan, ngenthengake bot repote bebrayan. Dene iklan kang kurang prayogo iku iklan kang kayane ngentheng-ngenthengake sanggan ananging nyatane suwalike malah nekek gulu.
      Ing jaman kang sarwa modern iki iklan bisa ditemonu ing sadhengah papan panggonan. Ora mung mligi ing spanduk, pamflet, koran, ananging radio, tv, internet uga wis akeh kagunakake kanggo marang iklan.

A. Ngrembug teks iklan

Iklan iku mujudake kabar utawa pesen kanggo njurung utawa mbujuk marang bebrayan supaya tuku utawa nggunakake barang kang ditawakake. Lumantar medhianr iklan iku bisa kagolong dadi loro yaiku iklan lisan (tv lan radio) lan iklan tulis (pamflet,poster,baliho bisa uga kacithak ing ariwati utawa kalawarti).
Unsur-unsure iklan ing antarane yaiku:
1. Jeneng barang utawa jasa kang ditawakake
2. Pihak utawa pawongan kang masang
3. Alamate sing masang
4. Kahanan sartw manfaat barang utawa kang ditawakake.

Basa teks iklan ikh beda karo basa teks-teks liyane. Titikane basa iklan yaiku:
1. Migunakake slogan
2. Ukarane persuasi utawa mbujujwong liya
3. Migunakake subjek wong kapisan.

B. Nulis teks iklan

Carane nggawe iklan sing apik kudu nggatekake babagan ing ngisor iki yaiku:
1. Sing dituju kudu cetha
2. Sing ngirim kudu cetha
3. Barang utawa jasa sing ditawake kudu cetha
4. Narik kawigaten sing maca
5. Nuwuhake rasa pengin tuku saka sing maca
6. Nhwuhake rasa pengin nduweni barang sing ditawakake
7. Bisa nggawe sing maca tuku barang sing ditawakake
8. Nggunakake slogan utawi sesanti kang gampang ditampa lan dieling-eling

C. Carane nulis iklan

1. Nentokake ancase iklan (nawakake barang utawa jasa).
2. Gawe cengkorongan kang dumadi saka unsur-unsur pawarta (jeneng barang utaea jasa, sing gawe iklan, alamat, kahanan utawa manfaat).
3. Ngrembakake cengkorongan dadi iklan kang wutuh, nganggo basa kang prasaja, cekak, mentes, cetha, sopan uga narik kawigaten.

D. Nyuguhake teks iklan

Supaya isine bisa ditampa kanthi wutuh dening pamireng, becike nggatekake babagan ing ngisor iki:
1. Paham isine iklan. Kalebh basa, uga pangucape tembung kang rinakit ing teks iklan.
2. Swara sarta pangucaping tembung kudu cetha lan trep.
3. Menawa awujud pacelathon kudu njumbuhake karakter paraga kang digambarake

Sumber: gegaran nyinau basa jawa kelas XI SMA